FBI most-wanted list te Indian manuh ase, 74 lakh reward

December 1, 2020. US’ Federal Bureau of Investigation (FBI) para koishe, kaun public para Indian-origin Bhadreshkumar Chetanbhai Patel laga khobor thibo $100,000-reward offer koishe. Tai ke agency khan para 2017 saal te “10 Most Wanted” listed te korikena ase. Patel para 2015 saal te, tai maiki Palak ke Hanover, Maryland state te Dunkin Donuts coffee shop pithor te knife para morai thishe aro etai tai ke pesari ase. Tai oper te manuh ke morai deya nemite charged korishe. Tai ke 2017 saal list te rakishe aro $100,000 (Rs 74 lakh approx) reward ase judi tai ke thuriboli khobor thishe koile. Friday din FBI para etu khobor toh junai thishe. FBI para aro koishe ke, kaun manuh para tai laga khobor ase agency ke nohoile US consulate aro embassy ke contact koriboli koishe. Officials para koishe ke, Patel 24 umer thaka samai aro tai maiki 21 umer ke kitchen te knife aro besi paar marishe koishe. Tai ke last jana toh New Jersey hotel para taxi te Newark desh train station te jaishe. Etu samai, Anne Arundel County te police chief para radio te koishe, “etu hamla kora case toh besi beya thakishe, aro police department oper te khobor toh shock thakishe”. WTOP koishe, investigators khan para Patel toh 2017 samai US te thakiboli bapana korikena FBI list te samil korishe. Altomare investigators bapana hesab te konuba manuh para Patel ke motob koriase aro tai khan para ke kam korishe najani. Radio para koishe, Gordon Johnson, tai toh FBI’s Baltimore field office 2017 saal te special agent in-charge thaka samai, Patel ke list te thali thishe. Couple tui(2) jun laga visa toh expire hoboli ek moina thaka samai howa ase. Investigators khan laga bapana te Palak Patel toh India te wabas jabole mon thakishem hoilebi, tai laga mota para mana nai, koikena WTOP para koishe. FBI laga notice hesab te tai logot armed ase aro besi danger ase. FBI para aro koishe ke, tai toh Kantrodi Ta Viramgam, Gujarat te jonom paishe.