Purana French President COVID-19 para morishe

Paris: December 3, 2020. Former French president Valery Giscard d’Estaing, kaun para tai laga desh notun modern era te aro pro-European rasta te loikena jai thaka toh Wednesday din Covid-19 bemari para morishe, koikena ghor manuh khan para janaishe. Giscard ke jaa moina besi paar hospital te loikena jaishe, tai toh heart bemar thakishe, “ghor manuh osor te tai morishe” Loire jaga te, koikena entourage para koishe. “tai laga halat toh beya hoikena Covid-19 bemari para morishe” koikena AFP logot statement te koishe, etu oper te tai laga funeral toh koikena thaka neshina te loboli koishe. Jaa saal September 30 darik te tai para last public osor te kotha korishe, etu purana president, Jacques Chirac mora samai thakishe. Giscard toh sobse jawan president 48 umer 1974 te hoishe, tai para Socialist Francois Mitterrand logot harai thishe. Etu beche aro tai 7 paar term kora beche 1981 saal te harishe koishe. France te tai ke radical reform kam nemite jani ase etu oper te legalisation of abortion, liberalisation of divorce aro vote deya saal toh 18 te lamai thishe. Europe te tai para monetary union agae te jabole motob thishe, etu samai German counterpart chancellor Helmut Schmidt logot melikena kam korishe aro tai jun sati hoishe. ” Valery Giscard d’Estaing nemite, Europe toh French laga bapana hoishe aro France toh notun desh neshina hoishe. Respect”, koikena EU’s chief Brexit negotiator, Michel Barnier para janai thishe. Tai nemite “France toh political life te modernizing hoboli kamyaab hoishe,” purana French president, Nicolas Sarkozy para koishe.