Biden: Dr Fauci Covid Team te matishe

Washington, United States:  Thursday din US President-elect Joe Biden para government’s top infectious disease specialist Anthony Fauci logot tai laga post te thaki-kena Covid-19 team te samil koriboli koishe. “ami Fauci ke tai dosura besi presidents logot thaka neshina eke  kam te koribe”Biden para interview te CNN logot koishe, President Donald Trump para election bechete tai ke olai diboli koikena thakishe. “aro ami tai ke chief medical adviser hoboli aro Covid team te samil koriboli koishe.” Biden para aro koishe, tai office first din te Americans manuh khan ke 100 din nemite mask lakaboli kobo, keli koile virus phelai toh besi jaiase aro duniyaa te desh toh sobse besi beamri cases aro manuh morikena ase. “ami public khan logot 100 din nemite mask lakabo koboli ase- hoitai nemite nahoi,” Biden para Thursday din interview excerpts aro broadcast khan logot koishe. Biden para virus ke saa toh Trump logot para besi alag ase, Trump para serious lowa nai, mask laka khan ke thamali korishe aro tai nejor be Covid-19 bemar para hospital te thaka samai desh pura aro koliboli koishe. Joe Biden para aro koishe, “standing order”  nemite government authority ke joboli bapana ase aro masking nemite federal buildings, interstate transportationaro etu oper te  airplanes aro buses te be koribo. Approved kora beche vaccine toh besas thakibo nemite, Biden para koishe public osor te taibe vaccine toh lobo. United States te Covid-19 bemari cases toh 14 million hoishe aro 275,000 manuh morikena ase.