UK Chemical Tank putai te 4 jun morishe

December 4, 2020. Thursday din western England te chemical tank botikena 4 jun manuh morishe koikena police para khobor janai thishe. Avonmouth plant te 5 jun wala manuh toh jokom paishe, hoilebi halat toh serious nahoi koishe. Avon aro Somerset Police Chief Inspector, Mark Runacres para koishe ke, plant te bota toh Wessex Water  para kam toh sai thakishe. Witness Jawad Burhan koishe, “helicopter para manuh khan ke pesari thakishe” aro police khan etu plant osor te ahishe. Ami awaz tangor honishe, etu samai ami warehouse building beche te kam kori thakishe. 10 minute beche helicopter aro police khan aha thikishe,” etu manuh para toh koishe. Etu tangor explosion howa nemite emergency services khan ke 11:20am (1120 GMT), samai mathishe, aro fire service khan para kam soruh korishe. Avon Fire aro Rescue Service para Luke Gazzard koishe ke, etu kam toh “tangor challenging” thakishe”. “gopal bhal hoikena ami khan laga local fire station toh besi thur te nathaka nemite tai khan jolti te pongchise”.  Police para koishe, manuh mora pithor te tin(3) jun toh Wessex Water te kam kora manuh ase aro 4 jun wala toh contractor ase. Prime Minister Boris Johnson para koishe, “manuh 4 jun morishe kowa khobor para mon besi dhuk hoishe”. “ami khan mon dhuk toh mora manuh aro tai khan laga ghor manuh ke janai ase”. Dosura witness, Kieran Jenkins para BBC ke koishe, tai toh etu bulding osor te thakishe, etu botai samai sob helaishe aro shock te bohishe. Local MP Darren Jones para koishe, “etai situation rokaboli parai nemite kushi ase aro local manuh nemite risk nathaka hoishe”. “full investigation loboli ase aro kaun manuh morishe aro jokom hoishe tai khan aro ghor manuh ke respect thiase” tai aro koishe. Health aro Safety Executive para blast howa laga case toh sai ase koishe.