Manama, Bahrain: December 5, 2020. Friday din Bahrain desh para Pfizer-BioNTech coronavirus vaccine toh emergency samai jolaboli manishe. Britain bechete tai khan 2nd desh ase. “Pfizer/BioNTech vaccine mania toh desh te Covid-19 nemite tangor kam hoishe, koikena National Health Regulatory Authority laga CEO, Mariam al-Jalahma para janaishe, etu khobor toh official Bahrain News Agency (BNA) para koishe. Vaccine toh ketai US pharmaceuticals giant Pfizer aro tai laga German partner BioNTech para dibo, Manama para khobor toh janai deya nai. Wednesday din Britain para koishe, Covid-19 vaccine toh general joboli nemite manishe, aha hafta para soruh koriboli bapana ase. November moina te, horo Gulf desh Bahrain para China laga Sinopharm vaccine toh agae line health te kam kora manuh khan logot joboli manikena thakishe. Bahrain desh te novel coronavirus cases toh 87,000 hoikena ase aro etu oper te 341 manuh morikena ase koishe. “etu joboli mania toh kam kora neshina tangor kamyaab hoishe aro ami khan agae para science jetibo koikena thakishe”, Gulf te Pfizer representative, Lindsey Dietschi para kowa toh BNA para janaishe. Friday din Britain para Pfizer-BioNTech coronavirus vaccine hoshari kam sob loikena duniyaa te first manishe. Alag-alag companies khan para coronavirus vaccine bonabo nemite kam kori thakishe, etu bemari para duniyaa pura te 1.5 million oper manuh morikena ase aro 65 million manuh bemar hoikena ase. Etu bemar toh jaa saal December moina Chian te soruh howa ase.
Add Comment