December 5, 2020. United States te notun record howa te, 24 gonda pithor te 225,201 notun Covid-19 cases paishe, desh te bemari ola beche ek(1) din pithor te sobse besi cases ase aro etai duniyaa pithor te United States toh beya para bemari hoikena ase, etu khobor toh Johns Hopkins University para janaishe. Friday din notun figure hesab te sob melaikena bemari cases toh 14,343,430 ase koikena University’s Center for Systems Science and Engineering (CSSE) laga notun update Saturday din te janaishe. Etu eke samai te United States te 2,506 notun manuh mora khobor thakishe. Sob melaikena coronavirus bemari para manuh mora toh to 278,605 hoikena ase, etu khobor toh CSSE hesab te koishe. Etu tuita(2) number toh duniyaa te sobse besi wala ase. Wednesday din desh te ek(1) din pithor laga cases 196,227 otha toh world record hoishe aro etu oper hospital te100,000 oper manuh admit kora toh first time thakishe koishe.
Add Comment