Queen Elizabeth, Covid-19 vaccine paboli ase

London, United Kingdom: December 6, 2020. Britain’s Queen Elizabeth II ke Pfizer-BioNTech coronavirus vaccine toh hafta pithor te thiboli ase koishe. Etu fesla toh UK regulators khan para emergency samai joboli mana beche ase. Etu oper te aha hafta duniyaa te first vaccine toh soru hoboli ase koikena Saturday din khobor para janai thishe. Queen 94 umer, aro tai laga mota 99 umer Prince Philip umer besi howa nemite vaccine loboli roki ase, koikena Sunday din Mail para khobor thishe. Newspaper para koishe, Britain laga sobse senior royals khan logot vaccine thishe koikena manuh khan logot janaikena aro manuh besi logot encourage thibo mon ase koishe. Wednesday din Britain para Pfizer-BioNTech coronavirus vaccine toh emergency samai joboli manishe, etu samai health officials para umer tangor manuh aro bemari manuh logot vaccine toh thibo. Umer tangor manuh aro tai khan ke sai thaka manuh khan logot vaccine toh first thibo, etu beche 80 umer oper aro frontline health aro care staff khan ke vaccine toh thibo. Dosura umer tangor manuh aro besi bemari khan ke etu beche vaccine toh thibo aro etu beche manuh sob logot thiboli koishe. Britain para sob melaikena vaccine toh 40 million doses agae para order korikena ase aro etu vaccine toh batch hesab te first 800,000 para soruh koribo. Wednesday din te Regulators khan para duniyaa te first manai Pfizer-BioNTech vaccine toh  raki-kena ase, etu oper te US aro European officials para inquiry kora beche hoshari neum nemite. Vaccine toh Pfizer’s plant Puurs, Belgium te bonabo ase aro temperature-controlled thermal shippers te transport koribo koishe. Saturday din Observer khan para koishe, Britain te military aircraft para million doses anibo koishe.