Tel Aviv, Israel: December 9, 2020. Wednesday din te Israel khan Pfizer’s coronavirus vaccine first batch paishe, koikena Prime Minister Benjamin Netanyahu para junai thishe. “Israel te eut nemite tangor kushi manai ase,” PM para Ben Gurion airport, Tel Aviv osor te koishe . Etu vaccine toh first eight million US pharmaceutical giant Pfizer BioNTech logot order korishe.
Jewish Festival of Lights Hanukkah osor te paishe aro Thursday din aro soruh ase koishe. “bemari kotom bhoboli osor te ase,” Netanyahu para bemari oper te koishe. Israel te coronavirus bemari cases toh 348,948 ase aro 2,932 manuh morikena ase, koikena Wednesday din laga update para janishe. “sobse tangor kotha toh Israeli manu khan ke vaccine thiboli laga,” tai para aro koishe. “ami manuh khan ke example thikabo mon ase aro Israel desh te ami nejor first vaccine loboli bapana ase”. Pfizer vaccine toh Israel te jolaboli regulatory approvals bapoli roki ase, koikena Netanyahu para koishe. Third-phase clinical trials samai vaccine toh 90 percent bhal thikaishe aro thousand volunteers khan oper te eku side effects thaka nai koishe. Britain te Tuesday din para vaccine toh manuh logot deya soruh hoishe. Israel para aro US biotech firm Moderna laga Covid-19 vaccine doses toh six million keniboli kotha koikena ase aro etu 2021 saal te hobo. 9 million manu oper te 14 million magikena ase. Jewish desh te September moina para desg pura te second lockdown hoikena ase. Restrictions toh asti hoikena hatai ase. Monday din Netanyahu office para rati curfew toh hataishe hoilebi, notun hokom nemite cabinet approval paa nai koishe.
Add Comment