Spain te 4 lions COVID-19 positive paishe

December 9, 2020. Spain laga zoo te jarta(4) lions logot COVID-19 positive tested paikena ase koishe. Jarta(4) lions toh Barcelona zoo toh eke logot COVID-19 positive thurishe. Etu khobor toh etai para tui(2) paar tangor cats logot virus toh thuri ase. Khobor hesab te, tui(2) jun staff manuh logot be coronavirus positive paishe koishe. Tinta(3) maiki lions- Zala, Nima aro Run Run aro ekta mota lions Kiumbe logot COVID-19 positive tested toh tai khan ke saa manuh para symptoms jana bechete ase. Khobor para aro koishe, mota lion toh jar(4) saal emer ase aro jarta maiki lion toh 16 umer ase. Tai khan toh zoo pithor te dosura janwar logot eku contact nai koishe. Olop din agae New York laga Bronx Zoo te jarta(4) tigers aro tinta(3) lions logot April moina te COVID-19 positive test paikena thakishe. “zoo para international experts neshina Bronx Zoo, Veterinary Service khan logot khobor loishe aro etu Sars-CoV-2 bemari ase” koikena Barcelona zoo para statement te janaishe. ‘lions khan logot veterinary care anti-inflammatory elaj thiase ase aro bhal para osor te sai ase. Janwar khan toh bhal wala hoi ase”, koikena Barcelona zoo para koishe.