US: 1 din pithor te 3,000 mora record hoishe

Washington: United States te notun record te ek din pithor te 3,000 COVID-19 bemari para morishe. US te tuita(2) coronavirus vaccine candidates toh desh te final regulatory manibole roki ase koishe. COVID Tracking Project hesab te, Wednesday din US te 3,054 oper manuh mora khobor paishe- etu ek(1) pithor te sobse besi manuh mora thakishe. May 7 darik te ek(1) pithor te manuh mora record toh at 2,769 thakishe koishe. Wednesday din te sob melaikena 1.8 million tests lowa pithor te 210,000 cases aro 106,688 COVID-19 bemar manuh khan US hospital te admitted korikena thakishe. Etai dak te 15 million Americans manuh khan COVID-19 bemari hoikena ase, aro 286,249 manuh morishe, koikena Johns Hopkins University para khobor toh janaishe. Etu bemari para US toh duniyaa te sobse beya hoikena ase aro US te tuita(2) COVID-19 vaccines- Pfizer, BioNTech aro Moderna vaccine toh manibole final stage te ase koishe. US Food and Drug Administration’s Vaccines aro Biological Products Advisory Committee Thursday din Pfizer vaccine toh emergency te joboli meeting thakishe. Tuesday din te FDA khan para Pfizer vaccine’s trial data toh pithor te kam kora toh janai thishe. FDA laga kam hesab te vaccine toh 95 per cent bhal thakishe aro alag-alag groups logot be khobor bhal thikaishe, etu oper te bura manuh aro thik nathaka manuh ke be bhal signs olaishe. Perna para koishe, tai para syringes aro needles bakh koriboli hokom thishe, etu para Pfizer vaccine ke motob thibo koishe.