Afghanistan: Journalist Malala Maiwand ke morai-dishe

December 10, 2020. Eastern Afghanistan te maiki journalist ke gooli para mari thishe, desh te etu sobse notun khobor ase koishe. Thursday din, Malala Maiwand toh Jalalabad jaga te tai laga kam te jai thaka samai, tai laga gari te gooli marishe. Driver Mohammad Tahir be etu samai morishe. Etu hamla kora toh kaun groups khan para nam lowa nai. Olop din akhe te Nato aro EU para statement te Afghanistan te hamla besi kora nemite botnam deya beche hoishe. Maiwand toh Enikass TV aro Radio te journalist ase, tai toh kam te jai thaka samai gari te nejana manuh khan para gooli mari thishe. Provincial governor’s spokesman, Attaollah Khogiyani para local media logot kowa toh, gooli mara beche manuh khan toh jaga para pulai-jaise. Maiwand toh civil society activist be thakishe, tai para olop din akhe te maiki manuh journalist nemite dhuk howa kotha koikena thakishe. Tai laga ama be activist thaka, 5 saal akhe te manuh para morai thishe, koikena Reuters news agency para khobor janai thishe. Afghanistan te British ambassador, Alison Blake  para Thursday din laga hamla toh investigated koriboli koishe. “aji pujur journalist Malala Maiwand aro driver tai ke morai deya nemite botnam aro mon dhuk howa janai ase” Alison para lekishe. “ami khan melikena #PressFreedom toh rakibo lage, tai khan mora toh investigated korikena manuh para kam beya kora toh thuribo lage”. Afghanistan te UN Assistance Mission(Unama) para be etu hamla toh botnam korishe.