December 11, 2020. Jammu and Kashmir, Poonch district te 5 jun Pakistani sepai morishe aro 3 jun jokom paishe. Rati pura Indian sepia khan logot Line of Control (LoC) te larai samai hoishe, koikena Defence sources para janai thishe. “Thursday din Poonch district, Mankote sector laga LoC te Pakistan sepia khan para antaz para gooli marishe aro civilian khan laga saman te hamla korishe. Pakistan sepia khan para antaz te civilians khan laga saman te target kora nemite saman besi nokson hoishe. Etu nemite Indian sepia khan para pachaboli kora samai Pakistan laga sepia khan 5 jun morishe aro 3 jun sepia jokom paishe koishe. Sources para koishe, Pakistani sepia laga bunkers besi beya hoishe, tuita(2) sides te gooli mara-mari kora te 2 gonda oper korishe.
Etu sal soruh samai para, Pakistan sepia khan para tuita(2) desh pithor te ceasefire agreement 1999 sal te kotha korikena thaka toh tai khan para violated korishe. January 2020 sal para loikena aha te Pakistan sepia khan para LoC te 3200 ceasefire violated kora te 30 civilians khan morishe aro 100 oper manuh khan jokom paishe. Jammu and Kashmir laga LoC te gooli para larai kora te osor bosti manuh thakai khan thousand neshina morishe koishe.
Add Comment