Paris, France: Friday din France laga Sanofi aro Britain laga GSK para koishe, Covid-19 vaccines toh 2021 saal kotom howa samai te be tayar nahobo, keli koile result para manuh khan logot immune response toh besi komti thikai ase nemite. Etu khobor junai deya para toh coronavirus bemar logot larai koriboli besi thiri kori thishe. China te jaa December moina te bemar ola nemite duniyaa laga 1.5 million oper manuh morikena ase. Sanofi aro GSK para koishe, COVID-19 vaccine programme thiri kora toh “jawan manuh laga immune response toh bhal hoboli nemite”. Vaccine paboli thaka toh aro bechete loi jaishe, etu 2021 to Q4 2021 samai te hobo”, koikena statement te koishe. American pharmaceutical giant Pfizer aro tai laga German partner BioNTech para koishe, tai khan laga vaccine toh Covid-19 bemar logot larai kora te 90 percent bhal ase, tai khan laga Phase 3 trials te 40,000 oper manuh khan samil hoikena ase. Sanofi aro partner GSK para ola vaccine candidate toh technology oper te Sanofi para seasonal influenza vaccines aro GSK para bona immunological agents melaikena bona ase koishe.
“Phase 1/2 study interim laga khobor toh eke hoikena kaun manuh 18 para 49 umer manuh COVID-19 bemar para bhal howa khan neshina ase, hoilebi antigen komti howa nemite umer tangor manuh khan laga immune response toh komti ase koishe.
Add Comment