December 12, 2020. Mexico para COVID-19 vaccine Pfizer emergency samai joboli mana te 4th desh wala hosihe, health regulator Cofepris para hokom thishe, koikena Friday din health officials para koishe. “Cofepris para Pfizer aro BioNTech vaccine toh emergency samai joboli manishe”, koikena health minister Hugo Lopez-Gatell para news conference te junaishe. Britain, Bahrain aro Canada para Pfizer vaccine toh akhe para manikena ase. Friday din U.S. Food aro Drug Administration para be emergency samai jaboli sai ase koishe. Cofepris para statement te koishe, tai khan laga 24 members of its advisory committee para vote thikena Pfizer vaccine toh jaboli manishe. Mexico laga government para Pfizer logot agreement korikena 34.4 million doses vaccine paboli ase koishe. Etu moina pithor te first batch toh ahiboli ase. Friday din dak te Mexico te coronavirus bemari cases toh notun 12,253 registered korishe aro 693 manuh mora be thakishe. Etu sob melaikena desh te 1,229,379 bemari cases ase aro 113,019 manuh morikena ase koishe.
Mexico te Pfizer COVID-19 vaccine manishe
Add Comment