Iran para journalist ke hang korishe

TEHRAN : Authorities koishe, Iran para journalist ek jun para online kam nemite manuh khan para 2017 sal te desh pura te economic protests korishe. Tai ke hang korishe. Iranian state television aro state-run IRNA news agency para koishe, Ruhollah Zam ke Saturday pujur te hang kori thishe koishe. June moina te court para Zam ke hang kori thishe, keli koile duniyaa te tai para kam beya besi korikena ahishe. Etu oper te tai para Iran government logot be hatabole kujus korishe. Zam para website aro channel toh popular app Telegram te bonaishe aro tai para protests kora samai aro officials khan laga khobor beya thishe, etu nemite Iran laga Shiite theocracy logot direct challenged korishe. Manuh khan para etu protest kora toh 2017 sal kotom samai korishe, aro etu toh Iran ke sobse tangor challenge kora ase. 2009 sal te Green Movement protests kora neshina hoishe.