December 13, 2020. Germany te coronavirus bemari para manuh mora aro cases record level te poncha nemite Christmas samai be lockdown thakibo. Wednesday din para desh pura te non-essential shops, schools bondh thakibo aro bacha khan ke ghor para saboli koishe. Chancellor Angela Merkel para Christmas shopping toh hoshari koriboli koishe. Notun khobor hesab te, 20,200 notun bemari cases aro 321 manuh morishe. Notun lockdown toh 16 December para 10 January dak thakibo. Desh te 16 states laga leaders khan logot meeting korikena fesla toh bonaishe, Mrs Merkel para “jolti para kam koriboli” koishe. Restaurants, bars and leisure centres toh November moina te bondh hoikena ase aro desh laga konuba jaga te nejor para lockdowns korikena ase. National lockdown pithor te, essential shops nehsina food shops aro can banks kula thakibo. Bahar te Christmas trees beka be kulibo. Hair salons neshina toh bondh koribo. Companies khan logot tai khan laga kam kora manuh toh ghor para koriboli koishe. Care homes khan ke coronavirus test loboli koishe. New Year events aro fireworks beka toh banned koribo. Etu oper te modu dukan be banned koribo. Finance Minister Olaf Scholz para koishe, businesses kaun khan lost hoishe, tai khan ke government para 500,000 euros (£457,000, $605,000) hotai moina motob thibo koishe. Latest official laga hesab te 20,200 manuh logot aro bemar thurishe, etu melaikena Germany te sob melaikena aji dak te 1.3 million cases ase, etu oper te manuh mora toh 321 para 21,787 te othishe koikena Robert Koch Institute para janaishe.
Add Comment