Israel aro Bhutan melikena thakibo

December 13, 2020. Israel para Himalayan kingdom Bhutan logot melikena thakibo koikena Israeli Foreign Ministry para Saturday din te junai thishe. Etu melai toh jaa paar Israel para Middle East aro Africa desh te Arab aro Muslim desh logot melai nemite te nahoi koishe. Majority-Jewish Israel aro majority-Buddhist Bhutan pithor te mil-melab howa toh besi saal para sati thakiboli  kotha kori thaka ase koikena Foreign Ministry para statement te janaishe. Israeli aro Bhutanese ambassadors pithor te official sign kora toh Saturday din te hoishe. Tuita(2) desh para eke logote water management, agriculture, health care aro other jaga te kam koriboli fesla loikena manishe, Foreign Ministry para aro koishe. “Israel circle of recognition toh tangor aro othiase”, koikena Israeli Foreign Minister Gabi Ashkenazi para koishe. “Kingdom of Bhutan aro ami khan pithor te mil-melab para dosura Asia desh nemite te be bhal hobo”.   Israeli Prime Minister Benjamin Netanyahu para fesla lowa toh welcomed korikena koishe, “ami khan para dosura desh logot contact ase aro kaun desh khan meliboli mon ase ahiboli” koishe.