Monday para US manuh Pfizer Vaccine pabo

Washington, United States:  Monday din para American manuh khan Pfizer-BioNTech Covid-19 vaccine paboli soruh hobo, koikena Saturday din distribution operation laga official para janai thishe. General Gus Perna para reporters khan logot koishe, first doses toh Sunday din pongchibo aro Monday purjur para soruh koribo, “ami khan 100%  vaccine paboli besas ase aro American manuh logot thibo”.  “Monday din para 145 jaga te manuh logot vaccine thibo aro 425 jaga te Tuesday din te hobo. Etu beche Wednesday din te final 66 jaga te thikena first Pfizer-BioNTech vaccine toh kotom hobo,” tai para koishe. First samai te 3 million manuh logot vaccine thibo. Federal health authorities para koishe, health care workers, nursing aro home residents khan toh akhe te thakibo, hoilebi etu kotha toh states khan oper te raki thibo. Friday rati te Pfizer vaccine ke green light kora te United States toh 6^th country hoishe. Etu vaccine toh placebo logot compare kora samai Covid-19 bemari oper te 95 per cent bhal thikaishe koishe.