Wahington: Duniya sob te melaikena coronavirus cases toh 74 million pongchise, etu oper te manuh mora toh 1.64 million hoishe koikena Johns Hopkins University para junai thishe. Thursday din sobse notun khobor te University’s Center for Systems Science and Engineering (CSSE) para koishe, duniya te bemari cases toh 74,158,470 te ase aro 1,647,873 manuh morikena ase. United States toh sobse beya hoikena ase, etu oper te bemari cases toh 16,959,267 hoikena ase aro manuh mora toh 307,291 te ase, koikena CSSE para khobor toh thishe. India toh tui(2) number te ase, bemari cases toh 9,932,547 te ase aro 144,096 manuh morikena ase.
Dosura desh kaun khan 1 million cases thaka toh- Brazil (7,040,608), Russia (2,708,940), France (2,465,126), Turkey (1,928,165), the UK (1,918,736), Italy (1,888,144), Spain (1,773,290), Argentina (1,517,046), Colombia (1,456,599), Germany (1,407,803), Mexico (1,277,499), Poland (1,159,901) aro Iran (1,131,077) te ase koikena, CSSE laga figure hesab para janaishe. Etai Brazil toh manuh mora te second 183,735 hoikena ase. Desh kaun khan 20,000 oper manuh morikena thaka toh- Mexico (115,769), Italy (66,537), the UK (65,618), France (59,472), Iran (52,883), Spain (48,596), Russia (47,994), Argentina (41,365), Colombia (39,560), Peru (36,754), Poland (23,914), Germany (23,865) aro South Africa (23,827) te ase.
Add Comment