UN: UNMO laga gari LoC te marishe

NEW YORK: United Nations (UN) para Chirikot sector Line of Control (LoC) jaga osor te United Nations Military Observers (UNMO) laga gari toh najana saman para marishe koikena Secretary General laga spokesperson para December 18 darik te koishe. “etai, ami khan logot besas ase ke gari beya howa te kaun manuh be jokom powa nai aro etu incident nemite investigate kori ase koikena UN Deputy Spokesperson Farhan Haq para janaishe. New Delhi te Official sources para khobor koishe ke, UN laga gari te Line of Control osor te mara toh Pakistani khan para Indian sepia khan para hamla kora ase koishe, etu samai India para etu khobor toh mesa ase koishe. PTI, Haq para sawal kora te kowa toh, UN para tuita side para khobor kowa toh sai ase koishe. “ami khan jani ase ke, gari te najana saman para mara toh sai ase aro ami para kowa neshina etu saman kaun logot be jokom howa nai, hoilebi jari toh beya hoishe, etu nemite ami khan para investigate kori ase”, koikena Haw para janai thishe.India aro Pakistan te UN Military Observer Group toh January 1949 sal te bonaishe koishe.