Israeli PM Benjamin Netanyahu ke COVID vaccine dishe

Ramat Gan, Israel: Saturday din Israeli Prime Minister Benjamin Netanyahu logot Covid-19 vaccine thishe, desh te vaccine mara soruh hobo ase koishe. Netanyahu, 71 umer aro Israel’s health minister logot Pfizer-BioNTech vaccine lowa toh live TV te Ramat Gan, Tel Aviv osor Sheba Medical Center para loishe. “ami ke vaccine toh puila lowa hotishe, etu samai Health Minister Yuli Edelstein be thakishe. Ami tui jun para manuh khan logot vaccine toh loboli examples thika ase,” koikena Netanyahu para television te manuh khan logot koishe. Sob manuh be novel coronavirus vaccine toh pachikena thakibo nemite tin hafta samai vaccine toh thibo. United States laga Vice President Mike Pence logot be Friday din te vaccine toh live lowa thikaishe, etu samai President-elect Joe Biden logot be Monday din thiboli ase koishe. President Trump para tai vaccine loboli toh etai eku bapana te nai, keli koile tai Covid-19 bemar para bhal hoikena ase aro tai logot immunity besi paikena ase koishe. Israeli health ministry laga khobor hesab te, February moin para desh te 370,000 manuh logot visrus bemari toh positive paikena ase, etu oper te 9 million manuh khan pithor te 3,000 manuh bemar para morikena ase. Sunday din para Israel laga healthcare te kam kora manuh nemite 10 hospitals aro vaccine centres kolikena ase,koikena health ministry para janai thishe. Etu hafta samai, minister para statement te koishe, vaccine deya toh public nemite be thakibo aro 60 umer oper manuh para vaccine toh deya soruh koriboli koishe.