December 20, 2020. China te India para anai laga tuita(2) mass(fish) packages te coronavirus positive tested paishe koishe. Etu tuita(2) packages toh China para India te mangai laga ase aro Saturday din Shenyang, Liaoning Province te coronavirus toh positive tested thurishe koishe. Etu khobor toh Global Times, China State-affiliated media para junai thishe. Global Times para aro koishe, China desh te mass(fish) packages toh local bazaar te neja akhe te positive thurishe.
Shenyang te authorities para koishe, etu nemite epidemiologist investigation kori ase. “tuita(2) mass packages India para anai te Saturday din Shenyang, NE China laga Liaoning Province te coronavirus toh positive paishe. Etu nemite Local authorities para epidemiologist investigation loiase. Etu mass packet toh local bazaar te aro kosa nai”, koikena Global Times para janaishe. Etu saman India para loikena jaa te coronavirus positive powa nemite India te sawal besi othi ase koishe. November moina Wuhan jaga te bahar para aniya khana package samples te COVID-19 positive tested paikena ase koishe.
Add Comment