Asia te Singapore toh First Pfizer COVID-19 Vaccine paishe

Singapore:  Asian desh pithor te Singapore toh BioNTech coronavirus vaccine first Monday din te paishe. City-state Prime minister para koishe, “besi din para bemari samai larai kori aha te paishe”. Singapore Britain aro United States aro konuba desh khan para jaa hafta vaccine toh manikena thakishe. Tai khan bapana toh 2021 atha sal samai 5.7 million manuh logot vaccine toh dibo, first toh pura/puri manuh aro health te kam kora manuh aro bemari manuh logot dibo. “Singapore first pani-jahas para vaccine ana toh saboli kushi ase,” koikena Prime Minister Lee Hsien Loong para Facebook te lekishe. Singapore Airlines flight para vaccine toh loikena Belgium poncha beche. Singapore te vaccine loboli toh voluntary thakibo, hoilebi Lee para manuh khan logot etu campaign samai sob loboli koishe. Pfizer vaccine toh elaj samai tuita vaccine loboli lakibo aro etu 70 degrees Celsius (-94 degrees Fahrenheit) temperatures neje te rakiboli koishe. Transportation Minister Ong Ye Kung para koishe, local facility para dry ice toh hotai din bonai ase keli koile vaccine toh rakibo nemite. Singapore te local coronavirus bemari komti howa nemti December 28 darik para social distancing restrictions toh be komti koribo koishe. Etai dak Singapore te virus bemari toh 58,000 hoikena ase, hoilebi manuh mora toh 29 jun ase. Tai khan border bondh korikena international para manuh ahiboli mana koriase.