December 22, 2020. Canada khan etu moina 249,000 doses paboli ase aro Canadian officials para olop din pithor te vaccine deya soruh koribo. Health Canada para koishe, vaccine toh 16 umer saal para loikena oper khan logot thibo, keli koile Pfizer-BioNTech vaccine toh etai be bacha khan nemite clinical trials jai ase. Pfizer aro BioNTech para koishe, Canada logot 2021 saal te komti hoilebi 20 million doses thibo aro etu beche 76 million aro thibo. “ami khan besi kushi ase ke Canada te mRNA vaccine authorized korishe,” koikena BioNTech’s chief business aro chief commercial officer, Sean Marett para junai thishe. U.K. aro Bahrain bechete Canada toh 3rd desh vaccine joboli manishe aro etu hafta pithor te soruh koribo, koikena tai para aro koishe.Olop din akhe te Canada para Pfizer logot contact bonaikena thaka te etu moina pithor te 249,000 doses thiboli koishe. Etu samai, 124,500 Canadians manuh besi risk te thaka khan logot first thibo, ek jun manuh ke tuita(2) doses toh hafta pithor te loboli laki koishe. Canada toh dosura 6 vaccine bona company logot contracts ase. Government para koishe, Canadian desh pithor te 14 centers thakibo. Sob state te ekta thakibo aro Canada laga sobse tangor 4 desh te tuita(2) thakiboli janai thishe.
Canada para Pfizer’s COVID-19 vaccine manishe
Add Comment