UK te 1 din pithor 41,385 COVID-19 cases

London: UK te novel coronavirus cases 41,385 positive tested korishe aro etu desh te bemar soruh hoikena ek din pithor te sobse besi cases paishe koikena official figure hesab te janai thishe. Notun cases pithor te desh te sob melaikena bemari cases toh 2,336,688 hoishe koikena Xinhua news agency para khobor koishe. Dosua 357 bemari manuh toh 28 din pithor te positive test paikena morishe, etu melaikena UK te 71,217, manuh morikena ase. Notun khobor para aro kowa toh manuh hospital te admitted korikena thaka April moina te cases otha neshina ase. Medical experts para warn kora toh etu hoi thaka toh January aro February moina dak jaboli koishe. Situation toh “besi kathra ase aro bemar toh pheli thakibo”, koikena Royal College of Emergency Medicine, Adrian Boyle para Monday din Sky News te janaishe. “Ambulances toh ahi thaki, komti koriboli napari, hotai etu neshina cases toh ahi thaki aro emergency department toh hotai ful thaki”, tai para aro koishe. London Ambulance Service Boxing din (December 26) toh sobse “busy din thakishe”, 7,918 calls ahishe, etu eke din 2019 sal samai 2,500 calls thakishe. Etu samai UK government’s Scientific Advisory Group for Emergencies (SAGE) para koishe, England laga jaga sob te Tier Four restrictions rakiboli koishe aro etu jaga osor te thaka manuh khan sob ghor pithor te bohiboli koishe. Etu oper te aro manuh khan ke bahar najai-kena ghor pithor para kam koriboli janaishe. London aro England laga jaga besi te Tier Four restrictions lakaikena ase. Tiers One, Two aro Three te thaka manuh khan logot Christmas Din te he lok koriboli thishe, etu samai Tier four te thaka manuh ke dosura manuh logot lok paboli deya nai koishe.