China pora notun combat aircraft olaise

Agencies, 29 September: Saturday deh state-run media pora China laga first notun combat aircraft olaise koise. Etu toh exports nemide bona laga ase koise. State-run China Daily pora notun multirole combat aircraft FTC-2000G toh State-owned Aviation Industry Corp of China, (AVIC) pora export karni bona ase koise. Aro etu toh Friday deh southwest Guizhou province deh ola thakise koise. Khobor hesab de FTC-2000G aircraft toh 16 minutes pora be ora (fly) thakise koise. Etu time de AVIC executives, provincial leaders aro etu opor de ambassadors aro military nr ceremomy de thakise koise. Etu agae de China pora fighter jets de stealth aircraft be meli-kena bona thakise. Pakistan logode meli-kena JF-Thunder aircraft be bona thakise. China pora nejor laga jets toh bonabo lagibo aro besi phak Russia pora import kori. FTC-2000G toh hamla koribole laga aim pora bona laga ase Aro etu toh  fighter jet nahoile trainer aircraft nemide jolabole paribo. FTC-2000G laga chief designer Hu Jianxing pora etu aircraft rati time de weather thek na-thakise koilebe face koribole paribo koise. Thek pora bonabole para air craft toh perform reconnaissance nahoile electronic-warfare operations debe pabole ase. AVIC pora jet bonabo karni tui-sal pora be komti loise koise.  Aircraft de maximum speed toh 1.2 Mach, nahoile1,470 kilometers per hour ase koise. Aro take-off weight 11 metric tons,  maximum flight range 2,400 km aro operational flight ceiling 15 km ase koise. Global Times de, FTC-2000G toh South Korea’s FA-50 aro Italy’s M346 logode competition thakibole ase koise. UK-based Jane’s Defence Weekly laga hesab de, May moina China pora Sudan logode six FTC-2000s, FTC-2000G’s predecessor de-kena ase koise.