Agencies, 09 January: Nagaland chief minister Neiphiu Rio para state te besi agencies kon jui hats ate deal kori ase etu khan etiya para wild forest fires te sabo karni phek plan nemite kaam koribo laki koise.
Tai para etu nesana plan te traditional aro modern methods mela thakibo laki koise. Rio toh neso organisations laga representatives logote joint meeting te land issues aro jui te control koribole opor te kotha kora thakise.
Representatives toh Tenyimi Peoples’ Organisation (TPO), Angami Public Organisation (APO), Southern Angami Public Organisation (SAPO) aro Southern Angami Youth Organisation (SAYO) para thakise.
Meeting toh aji kali laga situation forest te jui ola opor te kotha kora thakise.
Meeting te besi State aro Central agencies khan SAYO laga volunteers logote aro SAPO laga active support te, jui control koribole aro namabole nemite kosish kora nemite kushi powa janaishe.
Rio para phal neighbourly relations Nagaland aro Manipur majote pura-puri development nemite ektum kaam laga ase koise.
CMO laga press aro media cell hisab te, Rio laga bhabona toh TPO aro SAPO para pura kosish toh koribo laki kelay koile dekthari area te phal para thek koribole nemite.
Nagaland aro Manipur toh Dzukou Valley area opor te mathi laga chamela ase.
TPO para brief report toh etu areas laga dekthari opor te deshe. Traditionally hisab te, etu area toh Tenyimia group laga manu khan laga ase. Tai khan toh State boundaries of Nagaland aro Manipur para alak hoija laga ase.
Organisation para sob laga best interest te kotha para mathi laga chamela toh thek koribole ektum dekthari ase koise aro final judgement nemite toh ektum suru te ase koise.
TPO para poila etu dekthari jaga/area te alak alak groups majote kotha kora thakise koise. Aro etu kotha kora te sob stakeholders toh forest flora aro fauna beya how ate, forest saman khan jama kora te aro hunting kora te aro rasta bona te kelaaf kora thakise koise.
TPO para stakeholders toh traditional boundaries te maintain koribole aro tuara rights thaka te favour ase koise.
TPO para Nagaland government ke toh disputed area te final judgement bechite he thek measures lobole nemite manibole koise.
SAPO bne TPO para janaidyea te pura mana/agreement te thakise.
Nagaland aro Manipur laga government toh normal governmental correspondences te jai thakile phal ase bhabona ase aro etu dekthari jaga/area te activities toh TPO laga judgement bechite he lobole manile phal ase bhabona ase.
Dzukou Valley te mela thek warter body thakibole opor te be kotha korise. Etu toh jui ola hatsa te motob koribole nemite.
Rio laga bhabona te, departments concerned toh etu matter te thek para shaa suru koribo laki aro etu direction te thek phan para olabo laki.
Add Comment