Kohima, 05 April: Konyak Union Kohima (KUK) para Aoleang Monyu festival toh Saturday, April 3rd, 2021 te Naga Heritage Village, Kisama jaga te manaishe. Special Guest nemite Advisor for Fire & Emergency Service, SIRD and Relief and Rehabilitation, Pohwang Konyak thakise. Etu khobor toh DIPR report te koise.
Function te, Special Guest para Aoleang Monyu festival toh Konyak Nagas laga ektum kaam laga festival ase aro etu toh hotai sal April 1st para suru korikena choi din nemite manai koise. Tai para Aoleang festival te Isor para ashirbad nemite prathaka kori aro purana sal kothom howa mark kori aro notun sal te welcome kori koise.
Welcome speech toh President, KUK, Dr. W. Phola para deya thakise aro Aoleang Monyu festival laga meaning toh State Chaplain, Rev. T.W. Yamyap para janaideya thakise.
Program te cultural dances presentation toh Longchang Unit, Tobu Unit, Aboi Unit, Chen Unit, Wakching Unit aro Mon circle para thakise aro etu bechite community feast thakise.
Add Comment