April 10, 2021. Maharashtra laga district Nagpur COVID-19 hospital te jui olaikena hospital pithor te 4 bodies paishe aro tui(2) jun besi serious te ase koikena officials para janaishe. “hospital te 27 bemar manuh ke dosura hospital te loikena jaishe aro itya tai khan laga halat toh koboli naparibo. Hospital te manuh khan ke othaishe, koikena police officer para koishe. Hospital te 4 jun laga bodies paishe aro tui(2) jun besi serious ase. Etu hospital te 30-bed facility thaka pithor te 15 toh intensive care unit (ICU) beds ase. “jui toh hospital laga 2nd floor AC unit ICU thaka para soruh hoishe. Jui toh etu floor te julishe aro dosura te spread howa nai” koikena Nagpur Municipal Corporation chief fire officer Rajendra Uchke para news agency logot janaishe aro etu hospital te COVID-19 bemari khan logot elaj kori thakishe. Prime Minister Narendra Modi para koishe, “Nagpur hospital te jui ola toh besi mon dukh khobor ase. Ami laga mon dukh kora toh mora manuh laga ghor manuh khan logot janaishe ase aro jokom hoikena thaka khan joldi bhal hobo nemite parthana kori ase. Maharashtra BJP leader Devendra Fadnavis para koishe, “Nagpur laga Wadi hospital te jui ola nemite besi mon bakai ase. Nagpur Collector logot kotha kora te jaga sob para motob koriase. Mora manuh laga ghor manuh khan logot mon dukh howa kotha toh janai ase.” Maharashtra te olop hafta akhe para COVID-19 cases toh besi othi ase. State para Monday din dak restrictions junaishe aro vaccination toh ek paar nemite rokaina ase.
Add Comment