April 12, 2021. Uttar Pradesh te Etawah truck accident te manuh mora toh 12 jun hoishe aro dosura 43 manuh jokom hoikena ase. Detail khobor hesab te, etu accident toh Saturday din Chakkarnagar rasta osor Udi crossing te hoishe, etu samai DCM truck toh 25 feet rasta neji te kerishe. Etu incident laga kotha kowa te, SSP Brijesh Kumar Singh para junaishe ke, Agra resident Birendra Singh Baghel toh Lakhna town te Kalka Devi Temple te tai bacha laga jonom din nemite flag lakaboli jai thaka samai accident toh hoishe. Etu truck te tai para 60-70 manuh ke loikena jai thakishe. Udi crossing osor Chakkarnagar rasta te truck poncha samai, Birendra para truck toh control koriboli naparikena truck toh rasta neji te jaishe. Etu samai, UP Chief Minister Yogi Adityanath para manuh mora khan laga ghor manuh logot mon dukh howa toh janaishe aro etu accident te mora manuh nemite financial motob te Rs 2 lakh thiboli junaishe koishe.
Add Comment