Japan de Typhoon Trami karni besi flights cancel korise

Kagoshima, 30 September: Sunday din Japan’s mainland deh ektum kathara typhoon aihese. Etu agae southern islands deh, bhari pani kera, mathi khera aro floods howah pora besi jun jokhom korideya thakise. Duniya laga third economy desh de Typhoon Trami toh howah be hoi kena ase. West Japan de bullet train suspend kori kena ase aro 1,000 flights pora be besi cancel kori kena ase. Osaka osor mainland de hawah pani toh 6pm local time (0900 GMT) nesana phalli ahhibole biswas kori ase aro jaija moina Japanese archipelago de ektum kathara hawah pani ahha thakise. Local official pora Trami toh Saturday din Okinawa laga southern island pora ahha ase koise. Etu pora besi khor flood koridese aro saman khan beya koridese koise. Aro 40 jun ke olob jokhom koridese koise, hoilebe manu toh kun be moranai koise. Public broadcaster NHK laga hesab de, 300,000 households khan power lost hoi kena ase aro authorities pora 349,000 residents khan hatijabo nalagi koise. Tokyo de rail authorities pora saam service toh cancer korise aro passenfer khan logode pani kena time de pethor saman bachabi kowah thakise. Capital de typhoon na-haibole biswas kori ase. Hoilebe kathara hawah aro pani toh Sunday rati deri hoi kena ahhibole biswas kori ase. Japan de Trami toh sobse notun wala ase aro jai jaa moina time de typhoons, flood, earthquakes aro hearwaves pora besi jun mora aro saman khan besi beya howah thakise.