Agencies, 18 April: Desh te COVID-19 cases othi thaka majote, Union Health and Family Welfare Minister Dr Harsh Vardhan para Sunday te COVID-19 fight te States te sob pariya support toh othaise koise. Remdesivir saman aro supply double korise, dekthari napai kena oxygen debole ensure korise, COVID-19 dawai supply kori ase aro healthcare infrastructure phal korise koise.
Desh te vaccination drive gara koribole nemite measures lowa khobor janai kena tai para steps lowa janaishe. Horu states te COVID-19 dawai supplies toh hotai 7 din te bhorta korise aro hotai 4 din bechite dangor states nemite aro bhorta korise koise.
Dawai joldi powa bonabo nemite steps loise koise. Covaxin laga saman toh September 2021 para 10 par othibole ase koise. India laga vaccination drive toh January 16 te suru korise.
Tai para be COVID-19 patients nemite hospital beds capacity phal koribole nemite, government toh olop samai nemite hospitals aro hospitals te dedicating wards toh Union Ministries pithor te bonabo koise.
Minister para be extra ventilators toh Government of India para deshe koise. Ventilators powa state data hisab te-“Maharashtra-1121, UP-1700, Jharkhand-1500, Gujarat-1600, Madhya Pradesh-152 aro Chhattisgarh-230”.
Oxygen supply laga issue opor te Dr Vardhan koise, besi dekthari state laga projected demand supplies logote map korise. Oxygen saman maximised aro divert korise industrial use para medical use te, Desh te joldi 162 PSA plants bonaise aro 24*7 coordination cell para states te motob kori ase.
Remdesivir lakiya te ponjibo nemite Indian government para measures lowa: May para 74.1L/month nemite saman double korise. Saman othabo nemite 20 manufacturing plants te manishe. Exports bondh korise. Daam te limit korise. Malpractice, daam otha aro black marketing te gara para shai ase.
Add Comment