April 19, 2021. Sunday din te Arunachal Pradesh chief minister Pema Khandu para koishe ke, state laga sob government employees aro police personnel logot toxicology test loboli janaishe. Chief minister para etu kowa toh hoile besi government employees khan Arunachal Pradesh te drugs logot melikena thaka nemite ase. Minister para aro koishe ke, state te public ke saboli nemite manuh ke rakai khan nejor drugs logot thakiboli nathibo. “Arunachal te sob government employees aro police personnel para etu drugs tested toh loboli lage. Kaun manuh ke public logot saboli rakina ase tai khan etu problem te nathakibo lage. 2022 saal dak te Arunachal toh Drug-Free State bonaboli bapana te ase,” koikena Pema Khandu para koishe. Arunachal Pradesh state te government employees aro 8 districts te drugs jolai thaka besi beya jaga te toxicology tests loboli janaishe. India laga 272 district pithor te drugs jolai thaka te Namsai, Lohit, Dibang Valley, Upper Siang, Anjaw, Changlang, Tirap aro West Kameng te be besi othi ase koishe. State government para kaun government employees khan drugs lowa te samil thakibo, tai khan oper te tangor action loboli fesla korishe.
Arunachal CM: Govt employees sob drugs test koribo
