April 21, 2021. India laga state pura te COVID-19 bemari pheli thaka samai, Assam capital city Guwahati te be positive cases besi othi-thaka nemite, city te hotels para private hospitals logot melikena 2nd wave bemari logot larai kora soruh hoishe. Guwahati te hotels para private hospitals ke COVID-19 bemari nemite beds thiboli manishe. Etu fesla toh administrations aro konuba private hospitals aro hotels para Assam Chief Secretary Jishnu Baruah logot meeting te fesla korishe. Wednesday din te Deputy Commissioner, Kamrup-Metro laga office te meeting korikena fesla toh loishe. Guwahati aro Kamrup-Metro district te COVID-19 positive cases besi othi-thaka nemite melaikena kotha toh manishe. COVID-19 bemari khan ke jodi hospital toh full hoile private hospital para osor hotels te loikena jaboli koishe. Tuesday din te Guwahati city te COVID-19 positive cases toh 742 neshina thurishe. Wednesday din te, Assam Government para state te Covid-19 cases besi howa nemite extra guidelines junai thishe. Etu guidelines toh Assam Government para junai deya te Assam chief secretary Jishnu Barua para standard operating procedures (SOPs) toh aro extra othai thishe. Notun guidelines hesab te, restaurants, dhabas aro dosura dukan toh 6 pm dak kulibo aro ghor te loikena jaboli toh local neum hesab te puila bondh kora samai neshina thakibo. Tuesday din te sob melaikena 1651 manuh logot Covid-19 positive paishe, etu meliakena Assam te positive cases toh 2,27,473 hoikena ase koishe.
