Mizoram 4 districts te African Swine bemari janaishe

April 22, 2021. Mizoram government para 4 district te jaga konuba te “epicentres” African Swine Fever (ASF) ase koikena junai thishe. Etu gahori bemari para itya dak ek moina pithor te 1,100 gahori morishe aro Rs 4.47 crore neshina noksen hoishe. State animal husbandry & veterinary department laga joint director (Livestock Health) Dr Lalhmingthanga para koishe, Lunglei district te Lungsen bosti aro Lunglei Electric Veng jaga, Aizawl te Armed Veng aro Edenthar osor jaga, south Mizoram Siaha town (Vaipi-I) aro Serchhip district te Keitum bosti toh African Swine Fever (ASF) “epicentre” ase junai thishe. Tai para aro koishe, 5 district Aizawl, Lunglei, Serchhip, Mamit aro Siaha te itya African Swine Fever (ASF) bemari jai ase. Mamit district te be ASF khobor aro hoilebi epicenters aro janai deya nai. African Swine Fever bemari para puila gahori mora khobor toh March 21 darik  south Mizoram Lunglei district Bangladesh osor Tlabung sub-division pithor Lungsen bosti te gahori morishe. Itya laga bemari toh government of India para April 16 darik te African Swine Fever bemari ase koikena janaishe. Etu samai Bhopal National Institute of High Security Animal Disease Laboratory (NISHAD) te laboratory tests kora te khobor janishe. Department record hesab te, Lalhmingthanga  para koishe, komti hoilebi Wednesday din dak te 1,119 gahori toh ASF bemari para morishe, etu nemite Rs 4.47 crore neshina noksen hoikena ase. Lungsen jaga te mora toh jarikena, ASF bemar para 4 bosti Mamit districts, ekta bosti Serchhip district te, Siaha town te ek aro Aizawl aro Lunglei towns te tin(3) jaga te gahori mora khobor paishe. Tai aro koishe ke, Aizawl’s Durtlang jaga te, Chawngte bosti Mizoram, southern Lawngtlai district aro Serchhip town te 87 gahori mora khobor paishe. Etu nemite mora gahori laga samples toh Guwahati te putabo koishe. Mizoram state toh Assam, Manipur aro Tripura logot inter-state borders ase aro Bangladesh aro Myanmar logot international boundaries ase. Khobor para koishe ke osor desh Bangladesh para gahori aniya te ASF bemari toh thura ase koikena Lalhmingthanga para janaishe.