Trinamool Leader Kajal Sinha Covid para morishe

New Delhi: Trinamool Congress (TMC) leader Kajal Sinha toh coronavirus bemari para morishe, koikena West Bengal Chief Minister Mamata Banerjee para aji junaishe. Tai toh Khardaha constituency laga party candidate thakishe. Ms Banerjee para “besi asorit” lakishe koishe. “Kajal Sinha toh Khardaha jaga laga ami khan candidate Covid para mora toh besi asorit ase. Tai laga jevan toh manuh ke motob korikena ahishe aro narokina campaign kori ahishe. Tai toh besi saal para member kori ahishe, ami khan tai ke miss koribo. Ami laga mon dukh kotha toh tai laga ghor manuh aro sathi khan logot janaiase,” koikena Mamata Banerjee para janaishe. State toh eight-phased elections kotom hoikena notun government bonaboli thaka samai Covid cases besi othi ase. Jowa kali, state te 1 din pithor te sobse besi 14,281, COVID-19 cases thurishe, etu melaikena 7,28,061 hoikena ase. Tangor rallies thaka samai, Covid hoshari neum najola nemite itya experts khan para putnam kori ase. Etu hafta akhe te Election Commission (EC) para West Bengal te COVID-19 cases besi othi-thaka nemite roadshows aro Padyatras toh mana korishe. Poll body khan para aro public meeting kora jaga te 500 oper manuh jama koriboli deya nai. “desh te COVID19 cases besi otha nemite,  ECI Order dated 22nd April, 2021 darik, ami laga meeting toh cancel kori ase aro ami khan manuh logot virtually para kotha koribo,” koikena Ms Banerjee para koikena thakishe. Thursday din Prime Minister Narendra Modi para be tai Friday din Bengal te visit koribo thaka toh cancel korishe koishe.