New Delhi: Aji pujur state capital Mumbai para 28km neshina jaikena Maharashtra’s Thane osor private hospital te jui olaikena 4 jun bemari manuh morishe aro dosura besi jun jokom hoishe. Hospital te jui para mora nahoina dosura hospital te loikena jowa samai morishe, koikena officials para janaishe. Jui laga dunka lowa nemite mora ase koishe. Jui toh Prime Criticare Hospital, Kausa te 3.40 am samai olaishe, etu samai tinta(3) fire engines aro 5 ambulance jaga te thakishe aro itya jui toh control te ase koishe. Etu hospital te 20 bemar manuh ke othaishe aro etu samai 6 jun toh ICU te thakishe. Jui para hospital laga 1st floor toh beya korishe, koikena official para janaishe. Etu hospital te Covid bemari manuh khan toh thaka nai koishe. Jui toh keneka olaishe aro khobor toh powa nai. Aj pujur 03:40 am samai Mumbra, Thane te Prime Criticare Hospital te jui olaishe. Tuita(2) fire engines aro ek gari etu laga jaga te thakishe. Hospital par dosura hospital te loikena jowa samai 4 jun morishe, koikena Thane Municipal Corporation para khobor toh junaishe. Maharashtra Minister Jitendra Awhad para koishe ke, tai para Chief Minister Uddhav Thackeray logot khobor toh thishe aro mora manuh laga ghor manuh logot 5 lakh compensation thiboli fesla korishe aro jokom powa manuh khan 1 lakh thiboli janaishe.
Thane Hospital te jui para 4 jun morishe
Add Comment