Patiala central jail para 3 jun pulaishe

Chandigarh: Patiala Central Jail para tin(3) jun manuh pulai jaishe koishe. Etu manuh khan pithor te ek jun toh 2010 te 22 saal jail powa manuh thakishe. Tai para 2009 saal West London te maiki manuh ek jun ke morai thishe aro tai ke United Kingdom para India te November 2018 saal te loikena ahishe. Jail te thaka manuh khan toh rathi curfew samai pulaishe aro etu din toh Punjab government para curfew samai toh 6 pm para 5 am dak bonaikena thaka samai te ase.  Sher Singh (30 umer) ke 2010 saal te 22 saal nemite jail thishe, tai para Geeta Aulakh aro tai laga motha Harpreet Aulakh divorce mangka beche morai thishe. Geeta toh 28 umer thakishe aro tai toh UK te radio station te receptionist neshina kam kori thakishe. Etu din tai kam kotom hoikena tai laga bacha tuita(2) loboli jai thaka samai marishe, tai matha te jokom powa nemite morishe. Tui(2) jun jail te thaka toh Jaspreet Singh aro Inderjit Singh, tai jun be murder case nemite jail te bohi thakishe. Jail para pula samai, tin(3) jun para 1^st jail laga wall beya korikena jaishe aro etu beche 14 feet peripheral wall para pulaishe. Wednesday din te jail authorities khan para jail te boha manuh kundi kora samai janishe. CCTV footage hesab te, Indian Express para janishe ke, tin jun manuh toh 11:29 pm samai pithor wall para jaishe. Officials para koishe ke, video te tin(3) jun para ek-jun ek-jun laga body para aro theng motob te oper wall te othikena jaishe koishe. Punjab Additional Director General of Police (Prisons) P K Sinha para koishe ke, tai khan para pithor wall te othai toh CCTV te thikishe, hoilebi etu samai tai  khan kenaka 14 feet wall te hotikena pulaishe etu khobor toh clear nai koishe. Wall aro peripheral wall pithor te kheti kora jaga ase aro 110 acres neshina jail factories ase. Etu din te ekso neshina police aro jails sepai khan para pithor aro bahar wall te pesari thakishe koishe. Sinha para koishe ke, itya DIG rank officer para loikena pesaribo. Tai aro koishe, inquiry committee khan para neum hesab te kam toh saikena jail te thaka manuh ke room pithor te loikena jaboli ase.