Russian para India ke Humanitarian Aid thishe

New Delhi: Tuita(2) Russian flights para oxygen concentrators, lung ventilation saman, bedside monitors, medicines, Coronavir aro dosura pharmaceutical saman toh India te COVID-19 bemari othi-thaka samai larai koribo nemite pondchise koishe. Etu khobor toh India logot Ambassador of Russia, Nikolay Kudashev para junai thishe. ” Russian Federation para India logot humanitarian motob koriboli fesla kora toh tuita(2) desh pithor te melikena thaka nemite aro COVID-19 logot larai koribo nemite ase,” koikena Nikolay Kudashev para janaishe. “etu kam nemite Russian EMERCOM laga tuita(2) flights toh aji pongchise. Etu saman toh oxygen concentrators, lung ventilation equipment, bedside monitors, medicines, Coronavir aro dosura pharmaceutical saman ase”, Mr Kudashev para aro koishe. Tai para aro koishe ke, Russia para India laga halat toh besi bhal para sai ase, coronavirus bemari toh besi joldi te pheli jai ase. “ami khan para Indian manuh ke morom bapana kori ase, keli koile ami khan pithor te tangor mel-melab thaka nemite,” Mr Kudashev para koishe. Tai para aro koishe ke, India logot COVID- 19 vaccine Sputnik V toh May 2021 para deya soruh koribo. “coronavirus bemar logot melikena larai koribo aro itya sobse tangor kam toh May’21 para Sputnik V vaccine deya soruh koribo aro India te bonaboli thibo,” koikena Russian envoy para janaishe. Jowa saal bemari samai, India para Russia logot hydroxychloroquine tawai toh emergency supplies thikena ase. India laga kam bhal thikena Mr Kudashev para koishe, “ami khan kushi hoishe aro yaat ase. Etu kam para he coronavirus ke kamyaab pabo- dukh samai ek-jun ek-jun logot motob koriboli lage,” koishe. “besas ase ke aji Russian para humanitarian motob deya te Indian government para COVID-19 bemari manuh logot emergency elaj thikena kamyaab koribo,” tai para aro janaishe.