New Delhi: India te second coronavirus wave othi-thaka samai, Friday din Director General of Civil Aviation para international flights toh aro May 31 darik dak suspend koriboli janaishe. Puila laga order hesab te suspend kora toh aji kotom hoboli thakishe. “hoilebi, international scheduled flights toh case aro cases hesab te authority para selected rasta te peraboli manibo ase,” koikena DGCA para khobor toh janaishe. Etu restriction toh international all-cargo perai thaka logot nathakibo aro aviation regulator para flights mania toh samil nakoribo, koishe.
Scheduled international passenger services toh India te jowa saal March 23 darik te coronavirus bemari nemite suspended korikena ase, hoilebi special international flights toh Vande Bharat Mission pithor te jowa saal May moina para bilateral “air bubble” arrangements hesab te selected countries te perai ase. Etu hafta akhe te, Australia para India laga direct passenger flights toh ek paar nemite bondh korishe, keli koile New Delhi te coronavirus bemar toh besi jai thaka nemite.
Etu beche te aro eku neum toh Canada, United Arab Emirates aro Britain para be India te bemari cases besi othi-thaka nemite ahiboli mana korikena ase. Aji pujur dak te Indai te record hoikena 3.86 lakh Covid cases thurishe, etu melaikena caseload toh 1.87 crore te ase. International motob toh United States, United Kingdom aro dosura besi countries khan para sending Covid emergency supplies toh India logot putai ase. India te cases besi thaka nemite hoshari neum neshina- rathi curfew toh desh besi te jai ase. Prime Minister Narendra Modi para etu moina desh logot koishe ke, lockdown toh “last resort” neshina state governments logot jolaboli janaishe. India te coronavirus para manuh toh 2,00,000 oper jai ase koishe.
Add Comment