New Delhi: Television journalist Rohit Sardana toh olop din akhe te coronavirus positive thurikena thaka toh Friday din te morishe. Sardana toh 41 umer thakishe aro tai toh Aaj Tak channel te executive editor aro TV news anchor thakishe. Tai para jarikena jowa toh tai laga maiki aro tuita(2) chokri bacha aro papa/ama. Prime Minister Narendra Modi para loikena besi Union ministers aro media fraternity kaha para Sardana mora nemite mon dukh howa khobor janaishe. “Rohit Sardana besi joldi jaishe, tai logot energy, passionate aro mon bhal thakishe, Rohit ke manuh khan besi para missed koribo. Tai ajanak morijaa nemite media duniyaa besi tangor noksen ase. Tai laga ghor manuh, sati aro osor manuh sob logot mona dukh kotha janaiase. Om Shanti,” PM Modi para koishe. Home Minister Amit Shah para koishe ke, Shri Rohit Sardana ji’s ajanak mora nemite besi mon dukh ase, tai mora toh desh nemite tangor journalist ekta duniyaa para jaishe. Isur para tai laga ghor manuh logot shanty aro takot thiboli janai ase. Union minister Kiren Rijiju para koishe, “ami tai mora khobor honikena besi mon dukh ase, tai neshina senior journalist ekta duniyaa para jai jowa toh besi mon bekai ase. Union minister Jitendra Singh para koishe, “tai toh promising journalistic career thaka manuh ase, tai oper te bhal besi ahiboli thakishe. Rohit Sardana para jowa kali he COVID bemari manuh logot motob thiboli koi thakishe. Sardana laga colleague aro senior journalist Rajdeep Sardesai para koishe ke, “besi mon dukh khobor ekta, manuh sob para jani thaka Tv news anchor Rohit Sardana toh morishe, aji pujur tai logot heart attact hoishe. Ghor manuh logot mon dukh janai thi-ase. RIP.”
Add Comment