Former AG Soli Sorabjee COVID para morishe

New Delhi: Former Attorney General & Constitutional law expert Soli Sorabjee toh Friday pujur Covid-19 bemar para morishe. Tai laga ghor manuh khan para khobor toh janaishe. Soli Sorabjee toh 91 umer thakishe aro tai para India te Attorney General toh 1989-90 saal te korishe aro etu beche 1998-2004 saal dak kam korishe. Tai ke virus bemari thura beche, South Delhi private hospital te admitted hoikena thakishe. Home Minister Amit Shah para Sorabjee mora oper te mon dukh kotha koishe. “ami Shri Soli Sorabjee morijaa khobor honikena besi apsos laki ase, tai toh India laga jurist aro former Attorney General thakishe. Sorabjee toh legal fraternity te doyen thakishe, constitutional law te tai laga kam nemite aro tai logot hotai yaat thakibo, ami laga mon dukh kotha toh ghor manuh logot janai ase,” tai para koishe. Sorabjee para India Attorney General tui(2) paar bokishe aro tai toh legal profession te 7 decades neshina kam korishe. Tai toh 1930 saal te jokom paishe aro 1953 saal te bar te nam thalishe. Etu oper te tai logot Bombay High Court para 1971 saal te Senior Advocate junishe koishe.