May 1, 2021. ULFA-I laga top leader Jibon Moran ke thurishe koishe. Tai ke 2019 saal te extortion case registered hoikena thakishe. Case (no 1197/19) toh 65 umer Moran logot Milan Nagar police outpost, Dibrugarh te, tai para Vikash Kumar Mishra, tax consultant logot 20 lakh demand kora nemite registered hoikena ase. Moran ke Dibrugarh District & Session judge court te Friday din loikena jaishe, etu beche tai ke police custody te 5 din rakiboli koishe. Wednesday din Moran ke Indian Army’s custody te loikena jaishe, tai India te pillar number 163- 164 para aha nemite. Moran ke aro Arunachal Pradesh laga Tirap district, Laju army camp te lokena jaishe. Tai toh ULFA-I te 30 saal nehina thakina, self-styled Major General toh mainstream te samil hoishe. Tai toh ULFA laga sobse tangor ase ke alag-alag jaga te tangor kam kori ahishe. Sources para koishe ke, army camp te Central intelligence agencies khan para tai logot kotha kori ase. Olop din akhe te ULFA (I) para statement te koishe ke, Jibon Moran toh halat nemite group para olaishe. Khobor para aro koishe ke, Moran ke leader khan para on “medical grounds” te retire thishe aro tai ghor te wabas jaboli thishe. Moran para jaga besi te operations korishe aro tai toh finance secretary thakishe. Tai 1984 saal te ULFA joine korikena Burma te training loishe. 1990 saal te Operation Bajrang aro 2003 saal Bhutan te Operation All Clear samai tai toh samil thakishe. Moran toh upper Assam Tinsukia district laga Uban bosti laga manuh ase. Tai toh ULFA (I) laga sobse senior ase, tai laga halat nemite retire korishe.
Top ULFA-I leader Jibon Moran thurishe
