Agencies, 01 May: India te coronavirus laga second wave para dekthari pai thaka nemite, Russia’s Sputnik V dawai laga first consignment toh Hyderabad te ponjise. India to haji kali tuita dawai Covishield aro Covaxin jolai ase. Russia’s Sputnik V toh third Covid dawai hobole ase aro etu toh manu khan ke deya thakibole ase.
Russian Ambassador to India, N Kudashev koise, “Russia aro India melikena Covid-19 kelaaf fight te dedicate kora te, etu move toh India laga kosish second wave te komti koribole aro jevaan bachabole nemite kaam laga ase”.
Kudashev para be Sputnik V laga efficacy toh duniya te sobse besi majote ase koise aro etu dawai be COVID-19 laga notun strains kelaaf te effective hobole ase koise. Etu te local production toh joldi suru hobo aro asti para ek sal te 850 million doses othabole plan ase koise.
Olop agae hapta te Pharma major Dr Reddy para regulatory approval toh Sputnik V laga emergency use nemite paise kowa thakise. Etu toh Russia para import koribole ase aro etu para India te third COVID vaccine nemite rasta khulibole ase koise.
Russian Direct Investment Fund para 850 million doses opor Sputnik V toh India te hotai sal olabole ase koise.
Dr Reddy’s para regulatory filing te koise, company ke Drug Controller General of India (DCGI) para akiya toh India te Sputnik vaccine import koribole nemite paise. Etu toh emergency situations te restricted use nemite ase.
Add Comment