Dimapur para Agartala dak direct train mangkishe

May 2, 2021. Barak Extended Team Dimapur para Railway minister Piyush Goyal logot Dimapur railway para Agartala station dak direct passenger jaboli memorandum submitted korishe. Barak Extended Team Dimapur laga convenor, , Solomon S. Shaikh para Saturday din memorandum toh power department of Nagaland government laga advisor Tovihoto Ayemi oper te minister Piyush Goyal logot thishe koishe. Organisation khan para Dimapur para Agartala dak direct passenger train soruh koriboli janaishe. Etu train para Barak valley (south Assam) aro Tripura manuh lakhs neshina Nagaland te bohi thaka khan faita hobo nemite ase koishe. Organization para koishe ke, of Barak Valley aro Tripura manuh kaun khan Nagaland te bohi ase, tai khan train journey samai besi dukh te ase, keli koile Dimapur railway station para Agartala dak te direct passenger train nathaka nemite. Tovihoto Ayemi para meeting samai manuh khan laga train journey te dukh toh janishe aro tai para etu kotha toh joldi te Railway minister ke janai thiboli koishe. Memorandum te Railway minister logot koishe ke, “Dibrugarh-Agartala passenger train service kula toh COVID-19 bemari nemite bondh hoishe, etu para Barak Valley (South Assam) aro Tripura aro Assam border osor te thaka manuh khan besi dukh te ase koishe”. Dimapur railway station para Barak Valley aro Tripura te jai thaka samai etu rasta te train passengers khan besi dukh te perai, keli koile Dibrugarh para Agartala dak te direct passenger train service nathaka nemite,’ koikena memorandum te aro janaishe. “hazar passenger khan Dimapur Railway Station para rathi te jaikena Lumding railway station dak jaboli olai”. Aro Lumding railway station te 6 – 7 gonda roki thakina Barak Valle nahoile Tripura ponchi thaki koishe. Organization para Railway minister Piyush Goyal logot Dibru-garh-Agartala passenger train aro kulibo kowa nemite kushi janaishe aro organization para Railway minister logot joldi para Dimapur railway station para Agartala dak passenger train kulibo janaishe. Memorandum toh convenor of Barak Extended Team Dimapur Solomon S. Shaikh, youth president Shabir Shahil Shaikh, media secretary Abhijeet Sarkar aro youth general secretary Dilwar Hussain para signed korishe koishe.