May 2, 2021. Covid-19 cases besii othi-thaka nemite, Mizoram government para hoshari kam koribo nemite state te aro lockdown toh May 3 darik para soruh hoikena May 11, 2021 dak thakibo. Etu nemite, Saturday din te Mizoram chief secretary Lalnunmawia Chuaungo para order issued korishe aro tai toh State Executive Committee of State Disaster Management Authority, Mizoram laga chairman be ase. Order te, Mizoram chief secretary para koishe ke, state te lockdown othaboli fesla lowa toh “Mizoram te COVID-19 positive cases aro active cases besi othi-thaka nemite ase.” Chief secretary para koishe, peraboli limit aro manuh laga kam komti koribo nemite ase koishe. Hoilebi, essential services toh lockdown samai exempted korishe. Mizoram State Disaster Management Authority para fesla lowa toh “lockdown thaka neshina besi kara koribo, manuh pera aro kam bondh koribo, kali essential services perabo aro bemari pheli thaka toh komti koribo nemite manuh ke besarina COVID-19 positive bemar khan logot tawai thibo,” koikena order te janaishe. “etu nemite, Chairman, State Executive Committee khan para Section 22(2)(h), 24(1) Disaster Management Act, 2005 pithor te guidelines toh May 3, 2021 4 am para May 11, 2021 4 am dak besi strick para thakibo,” koikena Mizoram chief secretary para order te janaishe. Mizoram te Saturday din dak sob melaikena positive cases toh 6,132 hoishe aro 1,134 active cases hoikena ase. Saturday din te sob melaikena 57 manuh bemar bhal hoishe, etu melaikena Mizoram te 4983 manuh bemar bhal hoishe. Mizoram laga bhal howa rate toh 81.26% te ase. Itya dak Mizoram te Covid-19 bemari para 15 manuh morikena ase.
Mizoram te May 3-11 dak lockdown junaishe
