New Delhi: Monday din India te 3,68,147 notun novel coronavirus cases thurishe aro etu oper te bemari para 3,417 manuh mora khobor paishe. Union Health Ministry para data shared kora hesab te, 24 gonda pithor desh pura te sob melaikena 3,00,732 manuh discharges hoishe aro melaikena bemari para bhal howa toh 16,29,3003 hoishe. India te itya COVID-19 bemari cases toh 1,99,25,604 te 34,13,642 active cases ase, koikena data para janaishe. Desh te itya dak 2,18,959 manuh morikena ase aro India te COVID-19 bemari nemite 15,71,98,207 manuh vaccine loikena ase. India laga COVID-19 tally toh August 7 darik dak te 20-lakh hoishe, August 23 te 30 lakh, September 5 dak te 40 lakh ari September 16 dak te 50 lakh pongchise. Etu hoikena September 28 darik te 60 lakh, October 11 darik te 70 lakh, October 29 darik dak te 80 lakh, November 20 darik dak te 90 lakh aro December 19 darik dak te 1 crore pongchise. Etu saal April 19 daik dak te India te bemari cases toh 1.50 crore oper jaishe. Monday din India te 3,68,147 notun cases Etu samai, Sunday din te Delhi High Court para Delhi government logot national capital te COVID-19 bemari manuh ke elaj koribo nemite keman oxygen ahikena ase etu laga reply thiboli janaishe nahoile court para action loboli koishe. Bench ekta Justices Vipin Sanghi aro Rekha Palli para loikena tui(2) gonda oper neshina holiday nemite special hearing thakishe koishe. Prime Minister’s Office (PMO) para PM CARES fund te be 150 medical ventilator machines toh Delhi-based COVID care centre te Indo-Tibetan Border Police (ITBP) para jolai thaka logot thishe, koikena Saturday din officials para janaishe. Advisor to the PM, Bhaskar Khulbe para etu kam nemite Union Health Ministry logot ITBP officials para letter deya toh lekishe koishe. 150 ventilators te global positioning system (GPS) thakina Sardar Patel COVID Care Centre (SPCCC) te installed korishe aro etu April 26 darik para south Delhi’s Chhattarpur jaga, Radha Soami Beas campus te kam sourh koribo ase koishe.
Add Comment