IAF: Germany aro UK para Oxygen Containers anishe

New Delhi: India te COVID-19 halat nemite besi tangor bapana thaka samai, Sunday din te India Air Force (IAF)’s C-17 aircraft para Frankfurt, Germany para Hindon airbase Delhi osor te 4 cryogenic oxygen containers loikena ahishe koishe. Etu oper te UK laga Brize Norton para 450 oxygen cylinders toh be Chennai airbase, Tamil Nadu te flight para anishe koishe. Aro etu oper te C-17s para tuita(2) oxygen containers toh Chandigarh para Bhubaneswar te anishe, Jodhpur para Jamnagar te tuita(2), Hindan para Ranchi te tuita(2), Indore para Jamnagar te tuita(2) aro Hindon para Bhubaneswar te tuita(2) anishe, koikena IAF para khobor toh junaishe. IAF C-17s para 2 cryogenic oxygen containers to Chandigarh para Bhubaneswar te anishe, Jodhpur para Jamnagar te tuita(2), Hindan para Ranchi te tuita(2), Indore para Jamnagar te tuita(2) aro Hindon para Bhubaneswar te tuita(2) anishe, koikena Indian Air Force para koishe. C-17 transport aircraft para aro oxygen containers toh Singapore para aniboli kam kori ase koikena Ministry of Home Affairs (MHA) para khobor janaishe. “IAF C17 transport aircraft para aro kali oxygen containers toh aji Singapore te jaikena anibo. Etu containers para India te aro Covid-19 bemari othi-thaka toh oxygen besi thakibo. Etu airlift koriboli kam toh MHA para sai ase,” koikena Tuesday din MHA Spokesperson para janaishe.