MK Stalin para DMK MLAs logot meeting

Chennai: Monday din te Dravida Munnetra Kazhagam (DMK) para junaishe ke, party te notun MLAs elected kora khan logot Tuesday din Chennai te meeting thakibo. Etu samai party laga chief, MK Stalin para tai khan laga Legislature Party Leader junibo. DMK chief para loikena tai laga party khan para ruling AIADMK logot 10 saal neshina opposition thakina aram para jetishe aro itya tai Chief Minister hoboli ase koishe. “notun junai MLAs khan logot meeting toh party president Stalin pithor te Kalaignar Arangam, Arivalayam (DMK headquarters) te May 4 darik 6 PM te thakiboli ase,” koikena general secretary Duraimurugan para statement te janaishe. Tai para koishe ke, notun legislators khan sob meeting te samil koriboli lage koishe. State laga assembly elections April 6 darik te lowa laga vote counting toh Sunday din thakishe aro Monday din te continue korikena  Election Commission para DMK para 126 seats te kamyaab hoishe koikena junaishe. 234-member House te DMK para aram para 133 paishe. Simple majority laga number toh 118 ase koishe.