Agencies, 03 May: Mamata Banerjee toh third par West Bengal laga Chief minister nemite May 5, 2021 te wada lobo. Etu khobor toh senior Trinamool Congress leader Partha Chatterjee para press briefing samai janaishe.
Etu toh office te thaka CM laga third consecutive term hobo West Begal te. Etu aha toh tai laga party All India Trinamool Congress para West Bengal Elections 2021 te besi margin para May 2nd te jeta janaideya bechite.
Jet bechite, May 2, 2021 te party meet Kolkata te lowa te, Banerjee ke toh TMC Legislative Council laga leader nemite sitha juna thakise.
Mamata Banerjee laga oath-taking ceremony toh low profile te hobo nesana ase kelay koile COVID-19 pandemic situation nemite.
Notun cabinet ministers nemite wada toh May 6, 2021 te Pro-tem speaker Subrata Mukherjee para administered hobo nesana ase. Biman Banerjee ke toh house laga speaker nemite naam korise. Besi party leaders – Arvind Kejriwal, Captain Amarinder Singh, Uddhav Thackeray, Bhupinder Singh Hooda, Rajnikanth, Omar Abdullah – khan para West Bengal Chief Minister ke tai laga jet nemite congratulate korise.
Mamata Banerjee-led Trinamool Congress para kothom howa West Bengal assembly elections te 213 seats jetise. Bharatiya Janata Party para 77 seats toh 294-seat state assembly te loise. Hoilebe Murshidabad te tuita seats nemite election toh postpone korise kelay koile COVID nemite candidates mora karni.
All India Trinamool Congress para sob melikena 213 seats jeta toh 292 constituencies laga te ase aro BJP para 77 jetise aro Congress aro Left alliance para ekta be jeta nai. TMC para etu par besi seats toh jetise. Poila tai khan 211 seats jeta thakise.
Add Comment